पोखरा ।
पोखरा ५ पस्र्याङको सिद्धार्थ बैंक अगाडी मंगलबार बिहान कारले ठक्कर दिँदा २ जना पैदल यात्रीको मृत्यु भएको छ । बा १३ च ३७२१ नम्बरको कारको ठक्करबाट बागलुङ ढोरपाटन घर भई पोखरा ३ नदीपुर बस्ने २० वर्षका ढालेन्द्र छन्त्याल र पहिचान नखुलेका अर्का ३५ वर्षीय पुरुषको मृत्यु भएको हो ।

दुर्घटनामा घाइते दुवैजनाको अस्पतालमा मृत्यु भएको जिल्ला प्रहरी कार्यालय कास्कीले जानकारी दिएको छ ।

प्रहरीका अनसार दुर्घटनापछि कार चालक फरार छन् । कार भने प्रहरीको नियन्त्रणमा छ ।