पोखरा ।
भारतको हैदरावादमा पुस २ देखि ५ गतेसम्म सञ्चालित १० औं विश्व स्ट्रेन्थ लिफ्टिङ एन्ड आइबिपी च्याम्पियनसिप २०२३ मा पोखराका राजेश सुवालले आइबिपी च्याम्पियनसिप अन्तर्गत रजत पदक जितेका छन् ।

उनी पोखरा तालचोकमा अवस्थित पावर जिम एन्ड फिट्नेसका सञ्चालक तथा प्रशिक्षक हुन् । लालबहादुर शास्त्री स्टेडियममा ४ दिनसम्म भएको खेलमा युरोप, अमेरिका र एसिया लगायतका १६ मुलुकका ३ सयभन्दा धेरै खेलाडीको सहभागीता थियो ।

उनले मास्टर १ को ९५ केजीतौल समूह, १ सय ३५ केजी र १ सय ४२.५ केजी गरी २ सय ७७.५ केजी तौल उठाएका हुन् । पहिलो स्थान भने भारतका खेलाडीले जितेका छन् । राजेशले ३ वर्षअघि भारतमा नै भएको विश्व पावर लिफ्टिङ प्रतियोगितामा पनि पदक जित्न जितेका थिए ।