क्रिकेट प्रतियोगितामा रुपा १ विकेटले विजयी

समाधान संवाददाता २०८० पुष १३ गते १२:०९

पोखरा ।
कास्की जिल्ला क्रिकेट संघको आयोजनामा पोखरामा जारी कास्की छनौट क्रिकेट प्रतियोगिता अन्तर्गत बिहीबारको खेलमा टिम बगेनासमाथि रुपाले १ विकेटको जित निकालेको छ ।


पहिला ब्याटिङ गरेको बेगनास ३८.२ ओभरमा १ सय ५९ रनमा अलआउट भएको थियो । बेगनासको तर्फबाट अभिषेक बस्नेतले ८७ र रोहित चन्दले २६ जोडे । रुपाका बलर अन्जन केसीले ३ तथा सिब्रिन श्रेष्ठ र महेश खत्रीले समान २ विकेट लिए ।


जितका लागि १ सय ६० रनको लक्ष्य पछ्याएको रुपाले ३४ं.१ ओभरमा ९ विकेट गुमाउँदै जित हाता पार्‍यो । रुपाका ब्याट्स्म्यानहरु सुदीप पौडेलले ३४ र महेश खत्रीले २५ रन बनाए । बेगनासका बलरहरु कृष्ण पौडेलले ५ र रोही चन्दले २ विकेट लिए ।

Advertisement


खेलमा रुपाका महेश खत्री प्लेयर अफ द म्याच भए । उनलाई कास्की जिल्ला क्रिकेट संघका उपाध्यक्ष दीपेन्द्र प्रताप चन्दले पुरस्कृत गरे ।

Advertisement

तपाईको प्रतिक्रिया