पोखरा ।
सर्वेश्वर व्यवसायी समिति पोखरा ४ गैह्रापाटनले भूकम्प पीडितलाई राहत वितरण गरेको छ । समितिले २५ लाख बराबरको राहत वितरण गरेको हो ।

गत कात्तिक १७ गते गएको भूकम्पबाट प्रभावित क्षेत्र जाजरकोट पुगेर समितिले वेलकोट गाउँपालिका वडानं ४ का १ सय ५० परिवारलाई राहत वितरण गरेको उपमहासचिव माधवराज बरालले बताए । समितिका अध्यक्ष बालकृष्ण भण्डारीको नेतृत्वमा गएको टोलीले जाजरकोटको वेलकोट गाउँ पालिका वडानं ४ का वडाध्यक्ष विष्णुबहादुर राउत, पत्रकार हरिहरसिं राठौर, स्थानीय अगुवा आनन्द नेपालीको रोहवरमा राहत वितरण गरेको हो ।

समितिका कार्यक्रम संयोजक सदस्य शिवप्रसाद भण्डारीले न्यानो लत्ता कपडा, जुत्ता, चप्पल, स्कुल स्वेटर, झोला, खाद्यान्न लगायतका सामान वितरण गरिएको जनाए । समितिले बिभिन्न समयमा सामाजिक उत्तरदायित्व वहन गर्दै आएको प्रथम उपाध्यक्ष तुलबहादुर थापा बताउँछन् ।