गण्डकीका रेडक्रसकर्मीलाई तालिम

समाधान संवाददाता २०८० पुष १५ गते १२:२७

गण्डकी ।

नेपाल रेडक्रस सोसाइटी गण्डकीको आयोजनामा तथा ब्रिटिस रेडक्रसको सहयोगमा रेडक्रसकर्मीका लागि एक दिने अभिमुखीकरण आयोजना भएको छ ।


विपद्को क्षेत्रमा काम गर्दै आएका रेडक्रसकर्मीका लागि ब्रिटिस रेडक्रसको सहयोगमा नगद तथा भौचर सहायतासम्बन्धी अभिमुखीकरण तालिम दिइएको हो ।कार्यक्रममा विपद्का बेला वितरण गरिने नगद राहतको व्यवस्थापन र वर्तमान अवस्थाबारे छलफल भएको नेपाल रेडक्रस गण्डकी अध्यक्ष सूर्य ढकालले बताए ।

Advertisement


कार्यक्रममा नीति तथा योजना आयोग गण्डकी उपाध्यक्ष कृष्ण देवकोटाले प्रदेशको नीति योजनामा रेडक्रसलाई समेटेर लैजाने आश्वासन दिए । विपद्मा रेडक्रसले गरेको काम स्मरण गर्दै उनले प्रदेश सरकार दोस्रो पञ्चवर्पीय योजना बनाउने क्रममा रहेकाले आवश्यक राय दिन पनि आग्रह गरे ।


गण्डकी अध्यक्ष ढकालले रेडक्रससँग नियमित आर्थिक स्रोत नभएकाले सरकारले सहयोग गर्नुपर्ने बताए । ब्लड बैँक सञ्चालनमा समेत रेडक्रसलाई आर्थिक स्रोतको अभाव रहेको र मेसिनहरु बिग्रदा मर्मत गर्न समस्या हुने गरेको सुनाए ।

Advertisement


उनले प्रदेशमा कम्तीमा पनि ३ स्थान लमजुङ, नवलपुर र बागलुङ मा गोदाम घर राख्नुपर्नेमा जोड दिए । कार्यक्रममा रेडक्रस सोसाइटीका केन्द्रीय सदस्य दिनेश अर्याल, विपद् व्यवस्थापन समिति संयोजक हरिबन्धु अर्याल, रामदत्त पौडेल लगायतले बोलेका थिए ।


तालिममा लुम्बिनी, बागमती र गण्डकीका गरेर ३० जनाको सहभागिता थियो ।

तपाईको प्रतिक्रिया