मार्दी ट्रेकङमा विदेशी नागरिक हराए

समाधान संवाददाता २०८० पुष १५ गते १४:४५

पोखरा ।
मार्दी हिमाल ट्रेकिङमा गएका स्वीडेनका नागरिक २० वर्षीय माइकल लियु ब्लुमबर्ग शनिबार बिहानदेखि हराइरहेका छन् ।
माइकल शनिबार बिहान ४ बजे ‘हाइ क्याम्प’बाट मार्दी आधारशिविरका लागि निस्किएका बताइएको छ ।


भ्यू प्वाइन्टबाट आधारशिविरतर्फ हिडेका माइकल त्यस पछि नफर्किएको प्रहरीले बताएको छ । लो क्याम्पमा रहेकाे अस्थायी शिविरमा पर्यटन शुल्क फारममा उनले फारम भरेका छन् । त्यसपछि अहिलेसम्म उनी सम्पर्कमा आएका छैनन् ।


माइकलको खोजी भइरहेको प्रहरीले जानकारी दिएको छ ।

Advertisement

तपाईको प्रतिक्रिया