पोखरा ।
जिल्ला कास्की पोखरा महानगरपालिका वडा नं.६ लेकसाइड स्थित फुटट्र्याकमा फोटोग्राफी गरेबापत विभिन्न किसिमबाट धम्काई ठगी गरेको अभियोगमा फरार व्यक्तिलाई कास्की प्रहरीले पक्रेको छ ।

पोखरा ६ बैदाम बस्ने वर्ष ४० का मिलन पहारीलाई कास्की प्रहरीले १७ पुसमा पक्रेको हो । हिरासतमा थुनेर उनीमाथि अनुसन्धान गर्न प्रहरीले कास्की जिल्ला अदालतबाट अनुमति लिएको छ ।

फोटोग्राफी व्यवसायी दर्ता नगरी ठगी गरेको भन्ने जाहेरीको आधारमा वडा सदस्यसहित ४ जनालाई पक्राउ गरी आपराधिक विश्वासघात तथा आपराधिक लाभ सम्बन्धी मुद्दामा प्रहरीले पक्रेको थियो । उनीहरु अहिले उक्त कसूरमा थुनामा छन् ।