लेखनाथ ।
समाज कल्याण नेवाः मिस पुच पोखरा ३२ राजाका चौतारोको आयोजनामा यमरी उत्सव भएको छ । कार्यक्रममा सांसद मनबहादुर गुरुङले संस्कृतिको धनी नेपालमा संस्कृति र धार्मिक हिसाबले नेवार समुदाय अग्रपंंक्ति रहेको जनाए ।

उनले आफ्ना संस्कार र सांस्कृति झल्काउने तथा नयाँ पुस्तालाई लोप हुँदै गरेका चालचलनबारे जानकारी दिन यस्ता खाले उत्सव हुनैपर्ने जनाए । समाज कल्याण नेवाः मिस पुचाका अध्यक्ष मेनुका श्रेष्ठले नेवारी परिकार र संस्कृतिलाई नयाँ पुस्ता र गैरनेवार समुदायका बीच लैजान उत्सवले महत्वपूर्ण भूमिका खेल्ने बताइन् ।

कार्यक्रमा लेखनाथ उद्योग वाणिज्य संघका सल्लाहकार धीरजकुमार श्रेष्ठ, नागरिक परोपकार समोन्वय संस्थाका अध्यक्ष चिरञ्जीवी तिवारी, समाज कल्याण नेवाः खलका सल्लाहकार मानबहादुर श्रेष्ठ र अर्घौ मिसाः पुचाःकी अध्यक्ष मीना कुमारी श्रेष्ठले बोलको थिए ।

नेवार समुदायमा नयाँ बालीका रुपमा धान भित्र्याएपछि विभिन्न देवी, देवतालाई योमरी बनाएर पूजा गरी यो पर्व मनाउने गरिन्छ । नयाँ धान कुटी पिसेको पीठोमा चाकु, तिल, नरिवल वा खुवा वा मास पिनेको वा किमा लगायतकासामग्री राखी त्रिकोण आकारको वा लाम्चो आकारको योमरी तयार गरिन्छ ।

योमरीले जाडोमा शरीरमा आवश्यक ताप र ऊर्जा दिने र चिसोबाट लाग्ने रोगबाट बचाउने भएकाले स्वास्थ्यका लागि निकै फाइदाजनक हुने समाज कल्याण नेवाः मिसा पुचकी सदस्य तीर्सना श्रेष्ठ र शर्मिला श्रेष्ठ बताउँछन् ।