लेखनाथ ।
पोखरा महानगरपालिका वडा नम्बर २७ को जरुवामा महिला मात्र सदस्य रहेको जरुवा टोल विकास संस्थाको सातौं वार्षिक साधारण सभा तथा तेस्रो अधिवेशनले जानुका सुवेदीको अध्यक्षतामा नयाँ कार्यसमिति चयन गरेको छ ।

आन्तरिक पर्यटनमा प्रवद्र्धनमा सहयोग पुग्ने गरी कालाबाङ भ्युप्वाइटमा भएको अधिवेशनले आगामी कार्यकालका लागि सर्वसम्मत रुपमा सुवेदीलाई अध्यक्षमा चयन गरेको हो । समितिको उपाध्यक्षमा अनिता लामिछाने, सचिवमा शोभा शर्मा, सहसचिवमा सकुन्तला पौडेल, कोषाध्यक्षमा राधा सापकोटा र सदस्यहरुमा नारायणी सापकोटा, गंगादेवी धमला, लक्ष्मी बस्ताकोटी र दुर्गा लामिछाने रहेको स्थानीय शिवप्रसाद भण्डारीले जानकारी दिएका छन् । कार्यक्रम संस्थाकी अध्यक्ष सीता लामिछानेको अध्यक्षतामा भएको थियो ।