पोखरा ।
शुभ सिद्धार्थ बचत तथा ऋण सहकारी संस्था, पोखरा ८ को १६ औं वार्षिक साधारण सभा मिति २०८० पौष २८ गते शनिवार अध्यक्ष विनोदप्रसाद श्रेष्ठको अध्यक्षतामा सम्पन्न भयो । उक्त साधारण सभाबाट सहकारीका अध्यक्ष विनोदप्रसाद श्रेष्ठले प्रस्तुत गरेको आव २०७९/०८० को प्रगति प्रतिवेदन, कोषाध्यक्ष उमाकुमारी ठकुरीले प्रस्तुत गरेको आव २०७९/०८० को आर्थिक प्रतिवेदन तथा आव २०८०/०८१ को अनुमानित आय व्यय विवरण, लेखा सुपरिवेक्षण समितिका संयोजक सोमत लिगलले प्रस्तुत गरेको लेखा सुपरिवेक्षण समितिको प्रतिवेदन, लाभांश वितरण अनुमोदनको प्रस्ताव पारित भयो ।

उक्त साधारण सभामा सदस्यहरु रामप्रसाद श्रेष्ठ, अम्बरबहादुर थापा, रचना प्रधान, शारदा न्यौपाने मिश्र तथा राजेन्द्र पहारीले उक्त प्रतिवेदन उपर जिज्ञासा राखी छलफलमा सहभागी भएका थिए । त्यस अवसरमा शुभकामना मन्तव्य सदस्य मदनकुमार मुल्मी र सल्लाहकार एवं सिद्धार्थ क्लबका अध्यक्ष इन्दिरा मर्सानी श्रेष्ठले राखेका थिए । उपाध्यक्ष गणेशलाल श्रेष्ठले स्वागत मन्तव्य राखेको उक्त कार्यक्रम सञ्चालन सचिव सचिन श्रेष्ठले गरेका थिए ।