पोखरा ।
विद्यार्थीहरूको पढाइको सँगसँगै विभिन्न किसिमका उत्प्रेरणात्मक कार्यक्रमबाट विद्यार्थीहरूको मनोबल बढाउने उद्देश्यले पोखराको नदीपुरमा अवस्थित प्रतिभा माध्यमिक विद्यालयले कक्षा १०मा अध्ययनरत विद्यार्थीहरू र अभिभावकहरूसहितको उत्पे्ररणात्क कार्यक्रम सम्पन्न गर्‍यो ।

कार्यक्रमका प्रमुख अतिथि तथा ख्यातिप्राप्त मोटिभेसन स्पिकर डा.रविन कटुवालको प्रमुख आतित्थ्यतामा भएको कार्यक्रमा कटुवालले पढाइको महत्व मानिसले बुझ्न सक्यो भने संसारमा सबैभन्दा शक्तिशाली बस्तु भनेको ज्ञान वा शिक्षा रहेको बताए ।
कुनै पनि छोराछोरी शिक्षित, संस्कारी र बौद्धिक भएनन् भने छोराछोरीमात्र नभइ बाबुआमाले पनि दुःख पाउने कुरा राख्दै शिक्षा त्यस्तो शक्तिशाली हतियार हो कि त्यो हतियार बलियो छ भने सबै व्यक्तिका अवगुणहरू गुणमा नै बदलिने बताए ।

कार्यक्रमका अध्यक्ष तथा विद्यालयका संस्थापक प्रिन्सिपल किरण सापकोटाले छोराछोरीले बाबाआमाको आँखामा हेरर देखेको सपना पछ्याउने क्रममा उनीहरू कति दिनरात ननिदाउने हुन् हरेक क्षण मिहेनत गर्दा खेरी वा संघर्ष गर्दा मिहेनत र संर्घषबाट कति आनन्दित हुने हुन् त्यो हेर्न बाँकी रहेको सुनाए ।

विद्यालयका सह–प्राचार्य प्रदीप खनालले सञ्चालन गरेको कार्यक्रमा कक्षा दशको तेस्रौ त्रैमासिक परीक्षाको नतिजा प्रकाशन तथा वितरणसमेत भएको विद्यालयका नेपाली विभागका प्रमुख विष्णुप्रसाद पौडेलले जानकारी दिए ।