पोखरा ।
अमला बिसौनी धोविनी पाटन टोल विकास संस्थाको अधिवेशनले खगेन्द्र थापाको अध्यक्षतामा १३ सदस्यीय कार्यसमिति चयन गरेको छ ।

संस्थाको नवौं अधिवेशनबाट उपाध्यक्षमा लक्ष्मी श्रेष्ठ, सचिव राजु खड्का, सहसचिव राजेन्द्र शाही ठकुरी, कोषाध्यक्ष भुवनकुमार पौडेल र सहकोषाध्यक्षमा भुवनबहादुर बस्नेत चुनिए । सदस्यमा सीता थापा, गंगा कार्की, सन्तोष खत्री, राधा थापा, सरिता अधिकारी, लक्ष्मी पौडेल र सिर्जना थापा छन् ।

कार्यक्रममा पोखरा १६ का वडाध्यक्ष अमृत शर्मा तिमिल्सिनाले वडाको समग्र विकासमा टोल विकास संस्थाको भूमिका महत्वपूर्ण हुने जनाए । सभाले कोषाध्यक्ष भुवन बस्नेतकोे आर्थिक प्रतिवेदन र सचिव लक्ष्मी श्रेष्ठको वार्षिक प्रतिवेदन पारित गरेको छ ।

संस्थाका अध्यक्ष रेकबहादुर थापाको अध्यक्षतामा भएको कार्यक्रमा पूर्वअध्यक्ष कृष्णकुमार श्रेष्ठ, सल्लाहकार होमबहादुर खड्का, संरक्षण आमा समूह अध्यक्ष पार्वती बस्नेत, सरस्वती मन्दिरका अध्यक्ष दीपेन्द्र बस्नेत, भजन समूहका राजेन्द्र शाही ठकुरी र पूर्व सदस्य कृष्णवहादुर खड्कालाई सम्मान गरिएको थियो ।