पोखरा ।
तनहुँ उद्योग वाणिज्य संघको अध्यक्षमा वैकुण्ठनाथ मिश्र निर्वाचित भएका छन् । शनिबार मनोनयन दर्ताको कार्यतालिका रहेकोमा मिश्रको मात्र उम्मेदवारी परेको हो ।

वरिष्ठ उपाध्यक्षमा इमकुमार मल्ल चुनिए । मल्लले अध्यक्षबाट उम्मेदवारी फिर्ता गरी वरिष्ठ उपाध्यक्षमा मनोनयन गरेका थिए । वरिष्ठ उपाध्यक्षमा उम्मेदवारी दिएका सुवोध अधिकारीले पनि उम्मेदवारी फिर्ता लिएका छन् ।

अध्यक्षमा निर्वाचित मिश्र अघिल्लो अधिवेशनमा अध्यक्षमा पराजित बनेका थिए । मल्ल अघिल्लो अधिवेशनमा प्रथम उपाध्यक्षमा निर्वाचित बनेका थिए ।

प्रथम उपाध्यक्षमा भने कुमार मल्ल, सुरेश पुरी र राजकुमार श्रेष्ठ (राक) को उम्मेदवारी परेको निर्वाचन प्रबन्ध समितिका संयोजक डम्बरदेव हड्खलेले जानकारी दिए । द्वितीय उपाध्यक्षमा दिनेशकुमार श्रेष्ठ, शिवओम मल्ल र शकुन्तला आलेको उम्मेदवारी परेको छ । कोषाध्यक्षमा भीमलाल श्रेष्ठ, प्रकाशचन्द्र हड्खले र राजेश श्रेष्ठको उम्मेदवारी परेको छ । अन्य पदमा पनि सर्वसम्मतिको पहल थालिएको छ ।

निर्वाचन तालिका अनुसार माघ ८ गते उम्मेदवारीमाथि छानबिन, १० गते उम्मेदवारी फिर्ता, १० गते नै अन्तिम नामावली प्रकाशन, १३ गते मतदान हुनेछ ।