पाेखरा ।

यातायात व्यवस्था कार्यालय बन्दिपुर ४ बिमलनगर तनहुँमा अरुकै सवारी चालक अनुमतिपत्रको परीक्षा दिने एक जना पक्राउ परेको छन् ।

मंगलबार भएको मोटरसाइकलको प्रयोगात्मक परीक्षमा तनहुँको भानु नगरपालिका वडा नं.४ बस्ने ३५ वर्षका सुरेश थापामगरको नाममा सोही ठाउँका ३० वर्षका पूर्ण थापामगरले परीक्षा दिएका थिए । परीक्षामा फेल भइसकेपछि उनी अर्कै व्यक्ति भएको खुलेको थियो ।

पूर्णलाई पक्राउ गरी उनीउपर किर्तेसम्बन्धी कसुरमा तनहुँ जिल्ला अदालतबाट बुधबार ५ दिन म्याद थप गरी अनुसन्धान भइरहेको तनहुँका प्रहरी प्रवक्ता मोहनबहादुर खाँडले बताए ।