पोखरा ।
राष्ट्रियसभा सदस्य निर्वाचनमा गण्डकी प्रदेशबाट अपांगता क्लष्टरमा कांग्रेसका पदमबहादुर परियार निर्वाचित भएका छन् । ३ हजार ७ सय ७४ मतभार पाएर परियार विजयी भएका हुन् । परियारलाई स्थानीय तहतर्फ १०१ र प्रदेशसभातर्फ ३५ जनाले मत दिएका थिए ।

विपक्षी एमालेका हेमचन्द्र शेरचनले २ हजार ४ सय ५८ मतभार पाए । उनलाई स्थानीय तहतर्फ ६८ जना र प्रदेशतर्फ २२ जनाले मतदान गरेका थिए । अपांगता कोटामा ३ मत बदर भएको छ ।