पोखरा ।

जिल्ला प्रहरी कार्यालय कास्कीले ५ करोड रुपैयाँ फिरौती माग्दै ज्यान मार्ने धम्की दिएको आरोपमा बुधबार साँझ २ जनालाई पक्राउ गरेको छ । पक्राउ पर्नेमा पर्वतको कुश्मा नगरपालकिा घर भएका ३६ वर्षीय लक्ष्मण दर्जी र ४२ वर्षीय दीपकबहादुर क्षेत्री छन् ।

पोखरा महानगरपालिका–१६, लामाचौरका प्रकाशदीप गैरेलाई माघ १८ गतेदेखि फोन तथा म्यासेजमार्फत धम्क्याएको कास्की प्रहरीले बताएको छ । उनीहरुले फोन तथा म्यासेजमा हिन्दी भाषामा कुराकानी गरेर फिरौती माग्ने र नदिए ज्यान मार्ने तथा परिवारका सदस्यको समेत ज्यान मार्ने धम्की दिएका थिए ।

गैरेले पोखरा–१६ दीपमा सच्चाई सेवा केन्द्र चलाउँदै आएका छन् । उनी उक्त केन्द्रको केन्द्रीय अध्यक्षसमेत हुन् ।
प्रहरीका अनुसार एसएमएसमार्फत निजसँग ५ करोड रुपैयाँ फिरौती मागेकोे म्यासेज प्रहरीले प्राप्त गरि थप अनुसन्धान भइरहेको छ ।