पोखरा ।
सरकारी सेवा, सुविधाबाट प्राप्त रकमले पोखरा महानगरपालिका वडा नं १७ का वडा सदस्य शिवराम भण्डारीले जानकी मावि महतगौडामा अक्षयकोष स्थापना गर्ने घोषणा गरेका छन् । विद्यालयको ४६ औँ वार्षिकोत्सव कार्यक्रममा उनले बुवा धर्मदत्त र आमा जमुना भण्डारीको स्मृतिमा ५ लाखको अक्षयकोष स्थापना गर्ने जनाएका हुन् ।

निर्वाचित भएदेखि २०८१ असारसम्म २४ महिनामा प्राप्त गर्ने सेवा, सुविधामा बाँकी निजी रकम थप गरी स्थापना गरिएको अक्षयकोषबाट प्राप्त ब्याजले विद्यालय सञ्चालानार्थ सहयोग पुग्ने भण्डारीले विश्वास व्यक्त गरे । छात्रवृत्तिको अक्षयकोष धेरै भए विद्यालय सञ्चालनमा दिनप्रतिदिन देखिएको चुनौती समाधानका लागि केही हदसम्म भए पनि आफ्नोतर्पmबाट पहल गरेको बताउँदै उनको भनाइ छ ।

भण्डारीले यसमा विद्यालयका पूर्वविद्यार्थीबाट पनि सहयोग रहने विश्वास व्यक्त गरे । वार्षिकोत्सव कार्यक्रममा सहभागी अतिथि एवं अभिभावकले पनि विद्यालयका लागि स्वःस्फुर्त आर्थिक सहयोग गरेका छन् । सो अवसरमा ८० हजार संकलन भएको विद्यालयका प्रधानाध्यापक अर्जुन कँडेलले जानकारी दिए । सुविधासम्पन्न भवन र खेलमैदानसमेत रहेको विद्यालयमा हाल ३ सय ५० विद्यार्थी छन् ।