अमरदीप सहकारीमा शोभामोहन

समाधान संवाददाता २०८० माघ २९ गते १३:२३

पोखरा ।
पोखरा १६ मा रहेको अमरदीप वचत तथा ऋण सहकारी संस्था लिमिटेडको १४ औं साधारण सभा तथा पाँचौं अधिवेशनले शोभामोहन पौडेलको अध्यक्षतामा ९ सदस्यीय नयाँ सञ्चालक समिति चुनेको छ ।

Advertisement


उपाध्यक्षमा गणेशबहादुर थापा, सचिव धर्मराज थापा, कोषाध्यक्ष बालप्रसाद शेरचन, पदेन सदस्यमा संस्थापक अध्यक्ष कुमार खड्का र सदस्यमा ईन्द्र गुरुङ, दुर्गा केसी, भुवन बस्नेत र इन्जिनियर भुवनबहादुर थापा छन् । लेखा संयोजकमा रोशनजगं राणा र सदस्यद्वयमा भरत थापा र अर्जुन कुवँर छन् ।


कार्यक्रममा जयलक्ष्मी बचत तथा ऋण सहकारीका प्रमुख कार्यकारी अधिकृत सुशील केसीले समुदाय केन्द्रित भएर सञ्चालन भएका सहकारी संस्थामा कुनै किसिमको समस्या नरहेको बताए । कार्यवाहक अध्यक्ष रुद्रबहादुर थापाको अध्यक्षतामा भएको कार्यक्रममा सहकारीका संस्थापक अध्यक्ष कुमार खड्का, जय मनकामना सहकारीका सचिव बुद्घिबहादुर खत्री, सजिलो सहकारीका बलराम थापा लगायतले उत्पादनमूलक क्षेत्रमा लगानी गर्नुपर्नेमा जोड दिए ।


अधिवेशनले कार्यवाहक अध्यक्ष थापाले पेश गरेको प्रतिवेदन पारित गरेको छ । सहकारीमा हाल ३ सय ३० जना सेयर सदस्य छन् ।

Advertisement

तपाईको प्रतिक्रिया