पोखरा ।
बुद्व विशाल बजार व्यापारिक एसोसियसन पोखरा ४ ले प्रजातन्त्र दिवसको उपल्यक्षमा एसोसियसनको लोगो अंकित झण्डा र राष्ट्रिय झन्डा झण्डोत्ताेलन गरेको छ । कार्यक्रममा संस्थाका मानार्थ सदस्य सुदीप ढकालले फागुन ७ गते सबै नेपालीको विशेष दिन भएको जनाए ।

कार्यक्रममा बुद्व विशाल बजार व्यापारिक एसोसियसनका मानार्थ सदस्य केशव बहादुर खत्रीले अहिलेको आर्थिक मन्दीको विषम परिस्थितिमा आफ्नो व्यवसाय टिकाउनु नै व्यवसायीको मुख्य चुनौती रहेको जनाए । एसोसियसनका अध्यक्ष ईन्द्रराज अर्यालको अध्यक्षतामा भएको कार्यक्रममा उपाध्यक्ष बुद्वि कुँवर, महासचिव राजु केसी लगायतले बोलेका थिए ।