पोखरा ।
पोखरा महानगरपालिका वडा नं. १६ गैराबारीमा रहेको उन्नति बचत समूहको अधिवेशनले पवित्रा रेग्मी पौडेलको अध्यक्षतामा ७ सदस्यीय नयाँ कार्यसमिति चयन गरेको छ ।

सोमवार भएको समूहको नवौं साधारणसभा तथा चौथों अधिवेशनबाट उपाध्यक्षमा शिलादेवी पौडेल, सचिव निरु थापा र कोषाध्यक्ष पवित्रा सुवेदी पौडेल चुनिए । सदस्यमा सञ्जु आचार्य, रत्ना पुन र लक्ष्मी गुरुङ छन् ।

पोखरा १६ का वडा सचिव श्रीराम पौडेलले समुदायभित्र आईपरेका समस्या समाधान गर्न र सानोतिनो गर्जो टार्न समूह सफल भएको बताए । समूहका अध्यक्ष मनदेवी गुरुङको अध्यक्षतामा भएको कार्यक्रममा सल्लाहकार रामु राना र युवराज पौडेलले पनि बोलेका थिए ।