पोखरा ।
लायन्स क्लब पोखरा अन्नपूर्ण नाइसले लमजुङको क्व्होलासोंथर गाउँ पालिका वडा नम्बर ९ गिलुङस्थित ज्योतिबिन्दु प्राविका १८ जना बालबालिकालाई स्कुल तयारी ड्रेस वितरण गरेको छ ।

वडाध्यक्ष हुमराज गुरुङले विद्यार्थीहरुलाई ड्रेस हस्तान्तरण गरेका थिए । लायन्स क्लब अन्नपूर्णको संयोजनमा रुङटा वेलफेयर सोसाइटी वीरगन्जबाट २७ थान ब्ल्यांकेट सोही वडा मा रहेको असहाय र विपन्न वर्गका २७ जनालाई उपलब्ध गराइएको थियो ।
गिलुङ पोखरा सम्पर्क समाज अध्यक्ष तथा लायन्स क्लब इन्टरनेसनल ३२५ जे डिस्ट्रिक आइटी चिफ दूधमान गुरुङले लायन्सले समाज सेवामा थप एककदम अगाडि बढेर गिलुङ गाउँ छनोट गरेका खुसी व्यक्त गरे ।

विद्यालय व्यवस्थापन समितिका अध्यक्ष मनबहादुुर क्षेत्रीले खुला हृदयले समाज सेवा गर्नु नै सच्चा समाजसेवा हुने बताए । लायन्स क्लब पोखरा अन्नपूर्णका प्रथम उपाध्यक्ष गणेश छविले लायन्स क्लब पोखरा अन्नपूर्ण नाइसले सहरमात्र हैन गाउँगाउँमा गएर सेवा गरेकोमा धन्यवाद दिए ।

प्रधानाध्यापक डिलकुमारी गुरुङले विद्यालय आएर पढ्ने बानीलाई स्कुल डे«स उपलब्ध गराई सहयोग पुग्ने बताइन् । लायन्स क्लब पोखरा अन्नपूर्ण नाइसकी प्रथम उपाध्यक्ष लक्ष्मी गुरुङ (क) ले संस्थाले आफ्नो सदस्यहरुको सहयोगबाट विद्यार्थीहरुलाई पोसाक प्रदान गरेको सुनाइन् ।