पोखरा ।
कास्की प्रहरीसँग विवाद गरेको आरोपमा पोखराबाट एक रेस्टुरेन्ट व्यवसायी पक्राउ परेका छन् । पोखरा ३० लेखनाथ घर भएका ३१ वर्षीय निर्मल गौतमलाई प्रहरीले नियन्त्रणमा लिएको हो ।

गौतम लेकसाइडको ओजन गल्लीमा ‘बिर्यानी फास्ट फुड रेस्टुरेन्टुका सञ्चालक हुन् । फागुन २६ गते मध्यरातमा ओजन गल्लीमा मदिरा सेवन गरेर युवायुवती होहल्ला गरिरहेको सूचनाका आधारमा नियन्त्रण गर्न जाँदा रेस्टुरेन्ट सञ्चालक गौतमले विवाद गर्दै प्रहरीलाई नै धम्क्याएको बैदाम प्रहरी प्रमुख डिएसपी राजेन्द्र श्रेष्ठले दाबी गरे ।

गौतमलाई जिल्ला प्रशासन कार्यालयबाट सार्वजनिक हित, स्वास्थ्य सुरक्षा सुविधा र नैतिकता विरुद्धको कसुरमा १० दिनको म्याद थप गरी अनुसन्धान भइरहेको प्रहरीले जानकारी दिएको छ ।