पोखरा ।
इन्द्रेणी थिएटरले पोखराको पुम्दीभुम्दीमा ‘पाइनँ खबर साँझ’ आयोजना गर्ने भएको छ । अग्रज लोक गायिका हरिदेवी कोइरालाको कालजयी गीत ‘पाइनँ खबर, घर फर्की आउनू है मेरो हजुर’लाई केन्द्रमा राखेर कार्यक्रमको आयोजना हो । कार्यक्रम आगामी शनिबार साँझ ३ बजेबाट सुरु हुनेछ ।

साँझमा हरिदेवी कोइरालालाई पदमराज ढकाल, दिलीप गायक, नवराज बराल, महेन्द्रराज बराल, रामजी पौडेल, विष्णु बराल, श्रीधर कँडेल लगायतले साथ दिनेछन् । सबै महत्वपूर्ण कार्यक्रम मुख्य बजा क्षेत्रमै हुने भएकाले ग्रामीण क्षेत्रका बासिन्दालाई त्यस्ता कार्यक्रममा सहभागिता जनाउन सकस हुने भएकाले यसपटक पुम्दीबासीलाई प्राथमिकतामा राखेर कार्यकम आयोजना गरिएको कार्यक्रम संयोजक एवं थिएटरका अध्यक्ष केदार पौडेलले बताए ।

‘गाउँमै पनि एउटा स्तरीय कार्यक्रम गर्न सकिन्छ र गाउँमा पनि दर्शक छन् भन्ने प्रमाणित गर्न पनि कार्यक्रम महत्वपूर्ण हुने छ, संयोजक पौडेलले भने । प्रत्यक्ष वाद्यवाधनमा हुने कार्यक्रममा करिब ५ सय जना पुम्दीबासीको सहभागिता रहने पौडेलले जनाए ।