पोखरा ।
पोखरा महानगरपालिका वडा नं १९ पुरून्चौरमा रहेको जनजागृति आमा समूहको २७ औं वार्षिकोत्सव तथा तेस्रो अधिवेशन अधिवेशनले शान्ति बास्तोलाको अध्यक्षतामा नयाँ समिति चुनेको छ ।

शनिबार भएको अधिवेशनले १ सदस्य पछि थप गर्ने गरी ११ सदस्यीय नयाँ कार्यसमिति चयन गरेको हो । उपाध्यक्षमा निरू भण्डारी ढुंगाना, सचिव कविता आचार्य, सहसचिव नारायणी भुजेल र कोषाध्यक्षमा शोभा बास्तोला छन् । कार्यसमिति सदस्यमा सृजना थापा, मैयाँ ढुंगाना, वासना खनाल, रिता तिवारी ढुंगाना र द्रौपदा बास्तोला छन् ।

कार्यक्रममा पोखरा १९ का वडा सदस्य विकास आचार्यले समाजको विकास परिवर्तनका लागि नागरिकको भूमिका समयानुकूल हुनुपर्नेमा जोड दिए । कार्यक्रममा विन्ध्यश्वरी माविका अध्यक्ष एकराज ढुंगाना, प्रधानाध्यापक श्रीराम आर्चाय, विन्ध्यश्वरी युवा क्लबका अध्यक्ष थमकुमार केसी, पूर्व अध्यक्ष मीनराज ढुंगाना, संस्थाकी सचिव कल्पना ढुंगाना लगायतले बोलेका थिए । कार्यक्रम समूहका अध्यक्ष निरा ढुंगानाको अध्यक्षतामा भएको थियो ।