पोखरा ।

पोखरा महानगरपालिका वडा नम्बर २७, अर्चलेमा शनिबार बिहान बस दुर्घटना हुँदा घाइते भएका दुई जना अस्पतालमा उपचार गरी डिस्चार्ज भएका छन् ।

ग १ ख ८६८० नम्बरको बस शनिबार बिहान लेखनाथचोकबाट अर्चले जाने बाटोमा दुर्घटना हुँदा चालक र सहचालक घाइते बनेका थिए ।

लेखनाथतिर फर्किँदै गरेको बस शनिबार बिहान १० बजेतिर दुर्घटनामा परेको थियो । जिल्ला प्रहरी कार्यालय कास्कीका प्रवक्तासमेत रहेका प्रहरी निरीक्षक सूर्य रानाले घाइते दुवैजना डिस्चार्ज भएको जानकारी दिए । दुर्घटनामा घाइते चालक टीकाराम विक र सहचालक शालिकराम सुवेदीको पश्चिमाञ्चल क्षेत्रीय अस्पतालमा उपचार भएको हो ।

यात्रुले रिजर्भ गरेको बस फर्किदा अन्य यात्रु भने थिएनन् ।