पोखरा ।
नेसनल क्रियसन एकेडेमी पोखरा ८ नागढुंगामा शैक्षिक तथा अतिरिक्त क्रियाकलापको पुरस्कार वितरण कार्यक्रम सम्पन्न भएको छ । विद्यालयको २०७९ को शैक्षिक तथा २०८० को अतिरिक्त क्रियाकलापको पुस्कार वितरण गरिएको हो । कार्यक्रममा शैक्षिक तर्फ ट्रफी र अतिरिक्त क्रियाकलाप तर्फ मेडल प्रदान गरिएको थियो ।

कार्यक्रममा विद्यालयका संस्थापक प्रिन्सिपल ज्ञानेन्द्रबहादुर थापाले विद्यालयको शैक्षिक गुणस्तर वृद्धिका लागि हर पल लागि रहेको बताए ।

‘नयाँनयाँ प्रविधिको विकाससँगै विद्यालयको पठनपाठनलाई पनि प्रविधि मैत्री बनाउँदै गएका छौं,’ संस्थापक प्रिन्सिपल थापाले भने, ‘विश्व बजारमा बिक्ने खालको शिक्षा दिन विद्यालय तल्लीन छ ।’

उनले हरेक वर्ष विद्यालयका विद्यार्थीलाई पुरस्कार वितरणले थप ऊर्जा मिल्ने साथै सांस्कृतिक कार्यक्रमले प्रतिभा प्रस्फुटन गर्न मद्दत मिल्ने बताए ।

विद्यालय व्यवस्थापन समितिका अध्यक्ष गोपाल बहादुर थापाको अध्यक्षतामा भएको कार्यक्रममा विद्यालयका प्रशासक विक्रमबहादुर थापा, अतिरिक्त क्रियाकलाप प्रमुख सुदामा रेग्मी, नेपाली विभाग प्रमुख सिर्जना आचार्य थापाले बोलेका थिए । कार्यक्रममा विद्यालयका विद्यार्थीले विविध सांस्कृतिक कार्यक्रम प्रस्तुत गरेका थिए ।