नागरिक समाजले सुनिल उलकलाई सम्पदा संरक्षण सम्मान गर्ने

समाधान संवाददाता २०८० चैत २० गते १७:५८

पोखरा ।
नागरिक समाज कास्कीले संरक्षणकर्मी एवं इतिहासविद् सुनिल उलकलाई सम्पदा संरक्षण सम्मान २०८० प्रदान गर्ने भएको छ ।


पोखराका पुराना धारा, मठ–मन्दिर, पाटी–पौवा, गुम्बा, मस्जिद, चौतारा, पाटन–चौरको संरक्षण साथै इतिहासका जानकार उलकको योगदानलाई कदर गर्दै सम्मान गर्न लागिएको नागरिक समाज कास्कीका पूर्व संयोजक रामबहादुर पौडेलले जानकारी दिए ।


सम्पदाहरुको सम्मानमा निरन्तर खटिएर अभिलेखीकरण गर्दै आएका उलकले पोखराको ऐतिहासिक बालधारा संरक्षण एवं पुनर्निर्माणमा महत्वपूर्ण भूमिका निवाह गर्दै आएका थिए । विश्व सम्पदा दिवसका अवसर पारेर वैशाख ६ गते समाजले यो पुरस्कार प्रदान गर्ने जनाएको छ ।

Advertisement


छनोट समितिमा दुर्गाकुमारी शर्मा, शोभा श्रेष्ठ, सदस्य थिए भने नागरिक समाज कास्कीका संयोजक नरेन्द्र लालचन र प्रवक्ता गोकुलबहादुर कार्की पदेन सदस्य थिए ।

Advertisement

तपाईको प्रतिक्रिया