मुख्यमन्त्री अधिकारीको नियुक्तिविरुद्ध रिटको पेसी आज, न्यायाधीश शर्माको इजलासमा

समाधान संवाददाता २०८० चैत २८ गते १२:४४

पोखरा


गण्डकी प्रदेशको मुख्यमन्त्रीमा भएको खगराज अधिकारीको नियुक्ति विरुद्ध परेको रिटको आज बुधबारलाई तोकिएको पेसी पाँचौं नम्बरमा परेको छ ।


नेपाली कांग्रेस संसदीय दलका नेतासमेत रहेका निवर्तमान मुख्यमन्त्री सुरेन्द्रराज पाण्डेले चैत २७ मंगलबार सर्वोच्च अदालतमा रिट दायर गरेका थिए । सर्वोच्च अदालतका न्यायाधीश विनोद शर्माको इजलासमा पेस परेको छ ।

Advertisement


पाण्डेले प्रदेश प्रमुख डिल्लीराज भट्टले चैत २५ मा नेकपा (एमाले) संसदीय दलका नेता खगराज अधिकारीलाई मुख्यमन्त्रीमा गरेको नियुक्ति बदरसहित आफूलाई पुन सोही जिम्मेवारीको निरन्तरताका लागि परमादेश माग गरेका छन् । मुख्यमन्त्रीका लागि दाबी पेश गर्दा एमाले र माओवादीले सांसद संख्या देखाउँदा सभामुख पनि गणना गरेको हुँदा त्यो असंवैधानिक रहेको तर्क पाण्डेले रिट निवेदनमा गरेका छन् ।


६० सदस्यीय प्रदेश सभामा कांग्रेसका २७, एमालेका २२, माओवादीका सभामुख सहित ८, राष्ट्रिय प्रजातन्त्र पार्टी (राप्रपा)का दुई र १ जना स्वतन्त्र सांसद छन् । पाण्डेले दायर गरेको रिटमा प्रदेश प्रमुख भट्ट, सभामुख धिताल, मुख्यमन्त्री खगराज अधिकारी तथा गण्डकी प्रदेश सरकार मुख्यमन्त्री तथा मन्त्रिपरिषद्को कार्यालयलाई विपक्षी बनाइएको छ ।

Advertisement

तपाईको प्रतिक्रिया