पोखरा ।
जिल्ला प्रहरी कार्यालय कास्कीले १ हजार ९ सय १५ वटा प्लाष्टिकका बाजा नियन्त्रणमा लिएको छ । ध्वनि प्रदूषण कम गर्न भन्दै पोखरा तेस्रापट्टीबाट ७ सय १५ थान र लेकसाईडबाट १२ सय थान बाजा नियन्त्रणमा लिइएको हो ।

चाडपर्व, मेलापर्वमा प्लाष्टिकका बाजाहरु बजाउँदै हिड्ने र ध्वनि प्रदूषण गर्ने भन्ने जनगुनासो आधारमा प्लाष्टिकका बाजा नियन्त्रणमा लिएको कास्कीका प्रवक्ता डिएसपी बसन्तकुमार शर्माले जानकारी दिए ।

वडा प्रहरी कार्यालय बैदामबाट खटिएको प्रहरी टोलीले ‘१९ औं फेवा महोत्सव तथा नयाँ वर्ष २०८१’ लाई मध्यनजर गर्दै ध्वनि प्रदूषण रोक्ने उद्देश्यले प्लाष्टिकका बाजाहरु नियन्त्रणमा लिइएको शर्माकाे भनाइ छ ।