पाेखरा ।

पोखरा महानगरपालिका २५ हेम्जा सुईखेतमा बस दुर्घटना हुँदा सात जना घाइते भएका छन् । बिहीबार बिहान २ः५० बजे काठमाडौंबाट बेनीतर्फ जाँदै गरेको ग २ ख १६३० नम्बरको बस दुर्घटना भएको हो ।

बागलुङको तमानखोला गाउँपालिका ३ तमानका २५ वर्षीया रीता घर्ती, म्याग्दीको मालिका गाउँपालिका ५ देवीस्थानका ३० वर्षीय भिमकुमार बुढा, ६ वर्षीय निश्चल फगामी, २७ वर्षीया निर्मला फगामी, ४६ वर्षीया सुमित्रा फगामी मालिका गाउँपालिका १ दरवाङका ७२ वर्षीय नरबहादुर पुन, ६५ वर्षीया कृष्णकुमारी पुन घाइते भएका कास्की प्रहरीले जानकारी दिएको छ ।

चालकले नियन्त्रण गुमाउँदा बस सडकको बायाँ साइडमा पल्टिएको थियो । वडा प्रहरी कार्यालय बगरको टोलीले घाइतेहरुको उद्धार गरेको थियो । घाइतेहरुको पोखरास्थित गण्डकी मेडिकल कलेजमा उपचार भइरहेको प्रहरीले बताएको छ ।