पोखरा ।
पोखरा महानगरपालिका २२ पुम्दीभुम्दीका स्थानीयले वन मुद्दाका २२ प्रतिवादीलाई सहयोग गर्न गाउँभेला गरेका छन् । पूर्ववडाध्यक्ष विष्णुहरि बरालको नेतृत्व खेमराज बराल, लीलाबहादुर बराल, मीनबहादुर विक र राजु क्षेत्री गरी ५ सदस्यीय सहयोग समिति गठन गरेको छ ।

शुक्रबार बसेको भेलाले सहयोगकै लागि २ लाख रुपैयाँ संकलन गरेको क्षेत्रीले जानकारी दिए । भेलाले विद्यालयको विषयलाई लिएर गाउँलेलाई मुद्दा खेप्न बाध्य पार्ने रास्वपा पोखरा २२ का सभापति गोपी बराल सार्वजनिक बहिस्कार गर्ने निर्णय गरेको उनले बताए ।

डिभिजन वन कार्यालय कास्कीले लीला आधारभूत विद्यालयको जग्गा भोगचलन गरेको अभियोगमा गत २६ गते स्थानीय २२ जनालाई कास्की जिल्ला अदालतमा अभियोगपत्र दायर गरेको थियो । विद्यालयसँग जग्गा भाडामा लिई होटल, रेस्टुरेन्ट लगायत व्यवसाय गर्नेहरुमाथि मुद्दा परेको हो ।