पोखरा ।
गजलकार प्रकट पंगेनी गम्भीर बिरामी भएर हस्पिटल भर्ना भएका छन् । सोमबार स्वास्थ्यमा आएपछि उनलाई मणिपाल अस्पतालमा भर्ना गरिएको छ ।

भेन्टिलेटरमा राखेर उनको उपचार भइरहेको उनका भतिज प्रज्वल पंगेनीले जानकारी दिए । ७० वर्षीय गजलकार प्रकटको अवस्था गम्भिर रहेको छ ।

मणिपाल शिक्षण अस्पतालका डा‍‍ अनमोल पाैडेलका अनुसार पंगेनीको पित्त थैलीको इन्फेक्शन शरिरभरी फैलिएको छ । उनी जन्डिस र निमोनियाबाट ग्रसित छन् । उनको पित्त थैली फुटेको आशंका छ ।

उनको उपचारमा आर्थिक अभाव भएको छ । पाेखरेली युवा साँस्कृतिक परिवारले पंगेनीकाे उपचारकाे लागि सहयाेग अपिल गरेकाे छ ।

परिवारका अध्यक्ष उपेन्द्र पाैडेलले सामाजिक सञ्जालमा एउटा अपील पोष्ट गर्दै सहयोगको याचना गरेका छन् । उनको उपचारका लागि सहयोग जुटाउन कोष स्थापना गरिएकाे छ । एनएमबी बैंकमा खोलिएको सो कोषमा पाेखरेली युुवा साँस्कृतिक परिवारले २५ हजार रुपैया जम्मा गरेको उल्लेख गर्दै पाैडेलले सहयोगी मनहरुलाई स्वेच्छिक आर्थिक सहयाेगका लागि आग्रह गरेका छन् ।