पोखरा ।

गण्डकीमा खगराज अधिकारीको मुख्यमन्त्रीमा भएको नियुक्तिका विरूद्ध परेको मुद्दा सर्वोच्च अदालतले आज साेमबार टुंगो लगाएन ।

सुनुवाई नसकिएको हुँदा मुद्दा हेर्दाहेर्दैमा रहेको छ । अब यो मुद्दाको सुनुवाई अर्को हप्ता अर्थात बैशाख १७ गते हुनेछ ।

कांग्रेस नेता सुरेन्द्र पाण्डेले हालेको मुद्दालाई अग्राधिकार दिई आज पूर्ण सुनुवाइको पेसी तोकिएको थियो । मुद्दा न्यायाधीशद्वय सपना मल्ल र सारंगा सुवेदीको इजलासमा परेको थियो ।

दुवै पक्षका कानून व्यवसायीको बहस नसकिएपछि ‘हेर्दाहेर्दै’मा राखिएको हो। मंगलबार सार्वजनिक बिदा भएकोले बुधबार सुनुवाइ हुनेछ।