एमाले तनहुँको अध्यक्षमा कँडेल विजयी

समाधान संवाददाता २०८१ जेठ २ गते १४:००
नेकपा ९एमाले० तनहुँको मङ्गलबार राति सम्पन्न दशौँ निर्वाचनको मतगणना अनुसार निर्वाचित पदाधिकारीहरु सामूहिक तस्बिरमा । अधिवेशनले हरिराज कंडेलको अध्यक्षतामा नयॉ कार्यसमिति चयन गरेको छ । तस्बिर : कृष्ण न्यौपाने/ रासस

पोखरा ।

नेकपा एमाले तनहुँको अध्यक्षमा हरिराज कँडेल विजयी भएका छन् । मङ्गलबार राति सम्पन्न अन्तिम मतपरिणामअनुसार कँडेल २९२ मत प्राप्त गरी विजयी भएका हुन् ।

अर्का प्रतिस्पर्धी विष्णुभक्त सिग्देलले २०४ मत प्राप्त गरेको निर्वाचन कमिटीका अध्यक्ष पदमलाल लामिछानेले जानकारी दिए ।

Advertisement

यसैगरी, उपाध्यक्षमा राजेश्वर ढकाल, सचिवमा प्रदीपराज अधिकारी, उपसचिव खुलामा खिमबहादुर कुमाल, उपसचिव महिलामा सुनिता नेपाली विजयी भए ।

अधिवेशनले ९९ सदस्यीय जिल्ला कमिटी र पाँच सदस्यीय लेखा कमिटी निर्वाचित गरेको छ । पाँच सय ८५ मतदातामध्ये पाँच सय ६० जनाले मतदान गरेका थिए ।

Advertisement

तपाईको प्रतिक्रिया