पोखरा ।
अन्तर्राष्ट्रिय जैविक विविधता दिवस पोखराका संरक्षणकर्मीले समेत मनाएका छन् । राष्ट्रिय सम्पदा तथा जनाधिकार संरक्षण समिति नेपालको आयोजनामा बिहीबार गिद्ध र लाटोकोसेरोबारे विद्यार्थीलाई प्रशिक्षण दिइएको छ ।

विन्ध्येश्वरी माध्यमिक विद्यालय पोखरा १९ का विद्यार्थीलाई संरक्षणकर्मी कृष्णमणि बरालले प्रशिक्षण दिएका हुन् । बरालले विश्वमा २३ प्रजातिका गिद्ध पाइनेमा नेपालमा ९ प्रजातिका गिद्ध रहेको जनाए ।

उनले भने, ‘नेपालमा पाइने ९ प्रजातिकै गिद्धमध्ये सबै पोखरामा पाइन्छन् । तर विविध कारणले गिद्धको संख्या भने घटिरहेको छ ।’ गिद्ध, लाटोकोसेरो जस्ता पंक्षी मानिसका लागि लाभदायक भएको उनले औंल्याए ।

प्राकृतिक कुचिकार, गिद्ध रेस्टुरेन्ट डाइक्लोफेनेक लाटोकोसेरोका २३ प्रजाति नेपालमा पाइन्छ । संसारभर २३ प्रजातिका गिद्ध पाइने गरेको छ । जसमध्ये १४ सङ्कटको सूचिमा रहेको छ । नेपालमा नौ प्रजातिका गिद्ध पाइने गरेका छन् जसमध्ये ६ रैथाने रहेका छन् ।

विश्वमा लोप हुने खतरामा रहेको गिद्धका पाँच प्रजाति नेपालमा पाइने गरेको गिद्ध संरक्षण कार्ययोजनामा उल्लेख गरिएको छ ।डाइक्लोफेनेक युक्त आहार खाएर गिद्धको मिर्गौला खराब भई मृत्यु हुने गरेको नेपालका ७७ जिल्ला डाइक्लोफेनेक मुक्त घोषणा भएका छन् ।

काठमाडौं जिल्लालाई कात्तिक २३ गते डाइक्लोफेनेक मुक्त घोषणा भएसँगै देशका सबै जिल्ला मुक्त घोषणा भएका हुन् । गिद्ध संरक्षणका लागि नेपाल सरकारले २०६३ सालदेखि डाइक्लोफेनक उत्पादन, आयात, बिक्री र प्रयोगमा प्रतिबन्ध लगाएको थियो ।