सरिबुङ पिकबाट विदेशी नागरिकसहित ५ जना गाईडको हेलि उद्दार

समाधान संवाददाता २०८१ जेठ ११ गते ११:०२

जोमसोम— समून्द्री सतहको (६२३५) मिटर अग्लो उचाईको सरिबुङ पिकबाट अमेरिकन नागरिकको शुक्रबार बिहान हेलि उद्दार गरिएको छ ।

सरिबुङ हिमाल आरोहण गर्ने क्रममा प्रतिकुल मौसम र हिमपातका कारण बुधबारदेखि सरिबुङ पिकमा गन्तब्य पल्याउन नसकी अलपत्र परेका ६८ वर्षीय अमेरिकन नागरिक केनेथ डीन एडराडर््ससहित ५ जना नेपाली पथप्रदर्शक गाईडको माउन्टेन एअरको हेलिकोप्टरबाट काठमान्डौं उद्दार गरिएको हो ।


सरिबुङ हिमाल आरोहरणका लागि अमेरिकन विदेशी नागरिकसहित ५ जना नेपाली पथप्रर्दशक गाईड लमजुङको बेसी सहर हुँदै मनाङको नार्चेबाट मे ४ तारिखमा मुस्ताङ प्रवेश गरेका थिए । सरिबुङ हिमाल आरोहरणका लागि जाँदै गर्दा प्रतिकुल मौसम र हिमपातका कारण अलपल परेका उनीहरु सरिबुङ पिकमै टेन्ट टाँगेर बसेका थिए ।

Advertisement

अमेरिकन टोलीसंगै आरोहरणमा सम्मिलित ४ जना नेपाली पथप्रर्दशक मध्ये २ जना नेपाली पथप्रर्दशक गाईड पैदल हिडेर मुस्ताङको लोघेकर दामोदरकुण्डमा पर्ने यारामा आएर ट्रेकिङ एजेन्सीलाई आफुहरु प्रतिकुल मौसम र हिमपातका कारण अलपत्र परेको सूचना दिएका थिए ।

त्यसलगत्तै ट्रेकिङ एजेन्सीको समन्वयमा जिल्ला प्रशासन कार्यालय र जिल्ला प्रहरी कार्यालय मुस्ताङले उनीहरुको उद्दारमा सहजीकरण गरेको मुस्ताङका डिएसपी भोजराज पाण्डेयले जानकारी दिए ।

Advertisement

तपाईको प्रतिक्रिया