पोखरा ३१ मा सुत्केरीलाई पोषण सामग्री

समाधान संवाददाता २०८१ जेठ १३ गते १६:२७

लेखनाथ ।
पोखरा महानगरपालिका वडा नम्बर ३१ वडा कार्यालयले सुत्केरी पोषण सामग्री वितरण गरेको छ । आर्थिक वर्ष २०७९/८० को बजेट विनियोजन अनुसार वडाका ३० जना सुत्केरी महिलालाई जन्मदर्ताका आधारमा शुक्रबार वडा कार्यालयमा १ लिटर घिउ र २ पोका मसला वितरण गरिएको हो ।


सुत्केरी पोषण सामग्री वितरण कार्यक्रमलाई सम्बोधन गर्दै वडा अध्यक्ष ढकनाथ कँडेलले गत वर्ष नगद वितरण गरिएको बताए । यस वर्षदेखि सामग्री नै बितरण गर्ने योजना अनुसार वडा कार्यालयमा जन्म दर्ताको आधारमा पोषण सामग्री वितरण गरिएको उनले सुनाए ।

कँडेलले यस आर्थिक वर्ष असार मसान्तसम्म सुत्केरी हुने महिलालाई पनि पोषण सामग्री वितरण गरिने जानकारी दिए । वडा कार्यालयमा समयमा नै जन्म दर्ता गराउन पनि वडा अध्यक्ष कँडेलले आग्रह गरे ।

Advertisement

जनप्रतिनिधिहरु, वडा सचिव, लेखना अधिकृत र कर्मचारीहरुको उपस्थितिमा सामग्री वितरण गरिएको वडाका लेखा अधिकृत रवीन्द्र कपाडीले जानकारी दिए ।

Advertisement

तपाईको प्रतिक्रिया