पोखरा ।
फोटोग्राफर संघ गण्डकीको आयोजनामा अन्तरप्रादेशिक फोटोग्राफी अन्तक्र्रिया सम्पन्न भएको छ । कार्यक्रम जेठ १०, ११ र १२ गतेसम्म चलेको थियो ।

स्याङ्जाको पुतलीबजार, वालिङ, पाल्पा, रुपन्देही, कपिलवस्तु, नवलपरासी, नवलपुर र चितवनका फोटोग्राफर संघहरु बिच अन्तक्र्रिया भएको हो ।

कार्यक्रम फोटोग्राफर मञ्च स्याङजा पुतलीबजार ईकाई, स्याङजा फोटोग्राफर मञ्च वालिङ, लुम्बिनी फोटोग्राफर संघ रुपन्देही र कपिल्वस्तु फोटोग्राफर संघ कपिलवस्तुको बुटवलमा, नवलपरासी फोटोग्राफर संघ नवलपरासी भुमही, नवलपुर फोटोग्राफर संघ नवलपुरको कावासोती साथै चितवन फोटोग्राफी संघ चितवनको सौराहामा अन्तक्र्रियात्मक कार्यक्रम आयोजना गरिएको थियो ।

फोटोग्राफर संघ गण्डकीका अध्यक्ष दुर्गाप्रसाद पौडेलले कार्यक्रमको नेतृत्व गरेका थिए । कार्यक्रमको सवन्मय र सहजीकरण संस्थाका सचिव तुलसीराम सुवेदीले गरेका थिए । कार्यक्रममा उठेका विषयहरुको टिर्पाेटसहितको समीक्षा शिक्षा तथा तालिम संयोजक घनश्याम पौडेलले गरेका थिए । फोटोग्राफर हरुको आर्थिक विकास र व्यवसायिक गतिशीलताका बारेमा संस्थाका कोषाध्यक्ष जीवन ढुंगानाले स्पष्ट पारेका थिए ।

अन्तक्र्रियामा फोटोका दर, साइज, संस्थागत संरचना, प्राविधिक कठिनाइ, सम्भावना, समस्या र चुनौती साथै खुल्ला सिमानाले फोटोग्राफी क्षेत्रमा पारेको प्रभाव लगायत विषयमा छलफल भएको थियो । नेपाल फोटोग्राफर महासंघ नेपालका केन्द्रीय अध्यक्ष महेन्द्रप्रसाद उपाध्याय, वरिष्ठ उपाध्यक्ष श्रीराम कँडेल लगायतको जिल्लागत उपस्थितिमा कार्यक्रम सम्पन्न भएको थियो ।