पोखरा ।
गणतन्त्र दिवसका अवसरमा नवीन टोल विकास संस्था, तल्लो गगनगौंडाले मंगलबार टोलमा सामूहिक सरसफाइ गरेको छ । टोल अन्तर्गत सेराबेँसी चोकदेखि पुरनो गाउँको चौतारासम्म सरसफाई गरिएको टोल विकास संस्थााका अध्यक्ष पुष्पराज पौडेलले जानकारी दिए ।

संस्थाको सक्रियतामा सामाजिक उत्तर दायित्व अन्तर्गत समय समयमा सामुहिक सरसफाइ लगायत कार्यक्रमहरू सञ्चालन हुँदै आएको उनले बताए ।

संस्थाले विभिन्न सामाजिक कामका साथै संस्थाका सदस्यहरूलाई वर्षेनी विभिन्न अवलोकन भ्रमण समेत गराउँदै आएको छ । संस्था अन्तर्गत हाल ६१ घरधुरी आवद्ध रहेको र थपिने क्रम बढ्दो रुपमा रहेको संस्थाका सचिव मोहनराज बरालले जानकारी दिए ।