पोखरा ।

गण्डकी प्रदेशका मुख्यमन्त्री सुरेन्द्रराज पाण्डेले २ जना मन्त्रीसहित पद तथा गाेपनीयताकाे सपथ लिने भएका छन् ।

उच्च स्रोतका अनुसार उनले लमजुङका डाक्टर टकराज गुरुङलाई अर्थमन्त्री र कास्कीका विन्दुकुमार थापालाई सामाजिक विकास मन्त्री बनाउन लागेका छन् । बाँकी मन्त्रालय आफुसँगै राख्दै तीन सदस्यीय मन्त्रिमण्डल गठनको पत्र मुख्यमन्त्रीले प्रदेश प्रमुखको कार्यालयमा पठाएकाे स्रोतले समाधानलाई बतायो ।

नवनियुक्त मुख्यमन्त्री पाण्डेलाई असार १ मा बजेट ल्याउनै पर्ने संवैधानिक बाध्यता छ । त्यसैले उनले दुई ठुला मन्त्रालयमा मन्त्रीहरु तोकेका छन् ।

पर्यटनविद् टकराजले पर्यटन क्षेत्रमा विद्यावारिधि गरेका छन् ।