पोखरा ।
सगरमाथा आरोहण गरेर फर्किने क्रममा बिनोदबाबु बस्ताकोटीको निधन भएको छ । पोखरा २६ लेखनाथका बस्ताकोटीको जेठ ९ गते निधन भएको हो ।

सगरमाथा आरोहण गरी फर्किने सगरमाथाको चौथो शिविरको माथि बालकुनीको तल लगभग ८२५० मिटरमा आई पुग्दा उनको मृत्यु भएको हो ।

पोखरा महानगरपालिकाका प्रमुख धनराज आचार्यले बस्ताकोटीप्रति समवेदना प्रकट गरेका छन् । उनले भनेका छन्, ‘सगरमाथाको सफल आरोहण पश्चात फर्कने क्रममा सगरमाथा मै सदाका लागि बिदा हुनुभएका पोखराका सफल पर्यटन व्यवसायि मित्र बिनोदबाबु बस्ताकोटी प्रति हार्दिक श्रद्दान्जली अर्पण गर्दछु । शोकको यस दुखद घडीमा सम्पुर्ण परिवारजनमा गहिरो गर्दछु।’