पोखरा ।

नेपाली र्काग्रेस कास्कीको प्रशिक्षण सप्ताह बिहीबारदेखि सुरु भएको छ । सातै दिन बेग्लाबेग्लै समूहमा प्रशिक्षण दिइनेछ ।

सप्ताहको पहिलो दिन जिल्ला कार्यसमितिका पदाधिकारी एवं सदस्य, प्रतिनिधि सभा निर्वाचन क्षेत्र, प्रदेश सभा निर्वाचन क्षेत्र, पोखरा महानगरपालिका, रुपा गाउँपालिका, मादी गाउँपालिका, अन्नपूर्ण गाउँपालिका र माछापूच्छ्रे गाउँपालिकाका पदाधिकारीलाई प्रशिक्षण दिइएको नेपाली कांग्रेस कास्कीका सहसचिव एवं कार्यक्रम संयोजक नवीन सिग्देलले जानकारी दिए।

प्रमुख प्रशिक्षकमा वरिष्ठ प्रशिक्षक पुरुषोत्तम दाहाल र प्रशिक्षकमा कास्की कांग्रेस सभापति किशोरदत्त बराल छन् ।

नेपाली कांग्रेस प्रशिक्षण शाखाका प्रमुख एवं कास्की कांग्रेसका उपसभापति रामबाबु भण्डारीको अध्यक्षतामा भएको कार्यक्रममा कास्की कांग्रेस सदस्य तारादेवी गुरुङ, डिएलए कास्कीका अध्यक्ष कपिलमणि दाहाल, नेता होमबहादुर बाँनिया र नेतृ रामकुमारी पौडेलले बोलेका थिए । प्रशिक्षण सप्ताह २३ गतेसम्म चल्नेछ ।