पोखरा ।

युनाइटेड किङ्स क्लब पोखराले आयोजना गरेको प्रथम खुल्ला भेट्रान्स (३५ प्लस) भलिबल प्रतियोगितामा एपिएफ पोखराको टोली च्याम्पियन बनेको छ ।

पोखरा महानगरपालिका ३ नदीपुरथित छन्त्याल समाजको भलिबल कोर्टमा शनिबार भएको फाइनल खेलमा गलकोट भेट्रान्सलाई २६–२४ र ३४–३२ को सोझो सेटमा पराजित गर्दै एफिएफ च्याम्पियन बनेको हो ।

उपाधिसँगै एफिएफले नगद ४० हजार, सिल्ड, मेडल तथा प्रमाणपत्र प्राप्त ग¥यो । यस्तै उपविजेता बनेको गलकोट भेट्रान्सले नगद २५ हजार, सिल्ड, मेडल तथा प्रमाणपत्र हात पारे ।

सो प्रतियोगिताबाट एफिएफका कृष्ण गाहामगर सर्वाेत्कृष्ट खेलाडी घोषित भए । यस्तै उत्कृष्ट स्पाइकरबाट टेकबहादुर पुन र उत्कृष्ट सेटरका रुपमा मिलन राना ट्रफी र नगद राशिबाट पुरस्कृत भए ।

कुल १६ टिमबाट विजेता तथा उपविजेता बनेको टोलीलाई समापन समारोहका प्रमुअ अतिथिसमेत रहेका गण्डकी प्रदेश सभाका सदस्य प्रकाश बराल, आयोजक संस्थाका अध्यक्ष धीरज गुरुङ, प्रायोजकले पुरस्कार वितरण गरेका थिए ।

उक्त कार्यक्रममा हिमाली साँस्कृतिक परिवार र आयोजक संस्थाको तर्फबाट विविध साँस्कृतिक कार्यक्रमहरु प्रस्तुत गरेका थिए । युनाइटेड किङ्स क्लबका अध्यक्ष धीरज गुरुङको सभापतित्वमा सम्पन्न कार्यक्रम सञ्चालन अशोक थापाले गरेका थिए ।