पोखरा ।

वडा शिक्षा समिति पोखरा–२२ पुम्दीभुम्दीको आयोजनामा प्रश्न निर्माणमा विशिष्टिकरण तालिकाको प्रयोगसम्बन्धी २ दिने कार्यशाला भएको छ ।

कार्यक्रममा पोखरा २२ का वडाध्यक्ष हिमलाल बरालले प्रश्न निर्माणमा कुशलता हुने शिक्षकले कक्षाकोठामा समेत कुशलतापूर्वक शिक्षण गर्न सक्ने तर्क गरे ।

अंग्रेजी, नेपाली, गणित, विज्ञान र सामाजिक अध्ययन बिषयका प्रश्नपत्र निर्माणका लागि विशिष्टीकरण तालिकाको प्रयोग कसरी गर्ने भन्ने विषयमा सहप्राध्यापक भीमनाथ बराल, मदनप्रसाद बराल,, ध्रुवराज पौडेल, अम्बिक बराल तथा नरनाथ बरालले सहजीकरण गरेका थिए ।

समापन कार्यक्रममा वडा सदस्य कृष्णकुमारी देवकोटाले तालिममा सिकेका कुरा व्यवहारमा उतार्न अनुरोध गरिन् ।

सहभागीको तर्फबाट सुमित्रा बराल, जापप्रसाद गुरुङ र प्रशिक्षकको तर्फबाट मदनप्रसाद बरालले बोलेका थिए । पृथ्वीनारायण क्याम्पस, राजनीति शास्त्र विभागका सहप्राध्यापक भीमनाथ बरालको संयोजकत्वमा भएको कार्यक्रममा वडाका १७ विद्यालयका ३५ शिक्षक सहभागी थिए ।