पोखरा ।
पोखरा महानगरपालिका वडा नम्बर १ लामपाटन मार्ग स्थित अभियान महिला समूहका सदस्यले मादल, खैजडी र मुजुरा बजाउनका लागि सीपमुलक तालिम लिएका छन् । समूहको आयोजना तथा पोखरा महानगरपालिका वडा नम्बर १ कार्यालयको सहयोगमा समूहमा आबद्ध ३५ जनाले यो तालिम लिएका हुन् ।

५ दिनसम्म भएको तालिममा सहभागीलाई रुद्र सुवेदी च्वाईले खैजडी र मुजुरा, सुनीता पौडेलले मादल बजाउने सँगै अन्य विविध विषयमा सहजीकरण गरेका थिए । समूहकी अध्यक्ष सरस्वती रिमालले सदस्यलाई सीप सिकाएर आत्मनिर्भर बनाउन तालिम आयोजना गरिएको जनाए ।

कार्यक्रममा समूहकी उपाध्यक्ष गंगादेवी पौडेल र सदस्य सावित्री पराजुलीले नेपाली मौलिक बाजा बुझाउने र नयाँ पुस्तालाई यसतर्फ आकर्षित बनाउन तालिम आयोजना गरिएको जनाए ।