पोखरा ।

धौलागिरी विद्यार्थी समाज पोखरा विश्वविद्यालयले बुधबार आयोजना गरेको चित्रकला प्रतियोगिता प्रतियोगितामा रबिना बस्नेत प्रथम भएकी छन् ।

‘पृथ्वीका लागि कलाः रचनात्मकतामार्फत प्रेरणादायक परिवर्तन’ भन्ने नाराका साथ भएको प्रतियोगितामा द्वितीय सिम्रन परियार, तृतीय विभूति पौडेल र सान्त्वना दीपक काउछा ठहरिए ।

१९ टिमको सहभागिता रहेको प्रतिोगिगतामा प्राज्ञ नगेन सिहले ललित कला देश विकासको मेरुदण्ड भएको बताए । गण्डकी प्रदेश सभा सदस्य द्रोणकुमार कुँवरलले चित्रकलाले नेपालमा मात्रै नभई विदेशमा पनि चिनाउने उल्लेख गरे ।

धौलागिरी विद्यार्थी समाज पोखरा विश्वविद्यालयका अध्यक्ष विकासजंग कुँवरको अध्यक्षतामा कार्यक्रम भएको हो ।