लेखनाथ ।

पोखरा महानगरपालिका वडा नं ३० को खुदीमा रहेको ग्रिन पार्कमा विश्व वातावरण दिवसको अवसर पारेर वृक्षारोपण गरिएको छ ।

करिब १० रोपनीमा रहेको पार्कलाई महानगरकै नमुना पार्कका रुपमा विकास गरउने लक्ष्यका साथ काम भएको छ । पार्कमा फलफूल तथा धार्मिक महत्व बोकेका विभिन्न जातका करिब तीन सय विरुवा रोपिएको वाड सचिव वलराम पाठकले जानकारी दिए ।

पार्क संरक्षण समितिका अध्यक्ष महेश्वर सुवेदीको अध्यक्षतामा भएको कार्यक्रममा वडाअध्यक्ष दुर्गाप्रसाद सुवेदीले पार्कलाई बालबालिकादेखि वृद्धवृद्धासम्मका लागि उपयोगी हुने गरी विकास गरिने जनाए ।

उनले यसको उचित संरक्षण गर्नु सबैको कर्तव्य भएकोसमेत उल्लेख गरे ।