पोखरा ।
ठकुरी महिला परिवारका सदस्यहरूलाई पोखरामा उद्घोषण तथा नेतृत्व विकास तालिम प्रदान गरिएको छ । पोखरा महानगरपालिका वडा नम्बर १७ छोरेपाटनस्थित संगम ठकुरी परिवारको सभाहलमा आयोजित तालिममा ठकुरी महिला परिवारमा आवद्ध ४० जना महिलाहरूको सहभागिता थियो ।

तालिमको उदघाटन गर्दै पोखरा महानगरपालिका वडा नम्बर १७ का वडाध्यक्ष राधिका शाही योगीले महिलाहरूको क्षमता अभिवृद्धिका लागि जीवनोपयोगी तालिम सञ्चालन गरेको बताइन् । तालिमका प्रशिक्षक एवं पोखरा टेलिभिजनका समाचार प्रमुख घनश्याम पाण्डेयले तालिमले आत्मविश्वाससँगै क्षमता अभिवृद्धिमा सहयोग पुर्‍याउने बताए ।

ठकुरी महिला परिवारका अध्यक्ष सरस्वती हमालले एक दिनको तालिममा पनि आफूहरूले धेरै कुरा सिक्न पाएको सुनाइन् । ठकुरी संगम परिवारका अध्यक्ष शेरबहादुर उच्चै लगायतले बोलेको कार्यक्रममा सहभागी सम्झना हमालले सहभागी मन्तव्यसहित तालिमको प्रतिवेदन प्रस्तुत गरिन् ।

ठकुरी महिला परिवारकी अध्यक्ष सरस्वती हमालको अध्यक्षतामा भएको कार्यक्रमको सञ्चालन सचिव लक्ष्मी हमाल खाँण ठकुरीले गरेकी थिइन् ।