पोखरा ।
पोखरा १२ भद्रकाली मार्गमा रहेको पोखरा युनाइटेड एकेडेमीको आयोजनामा शनिबार पोखरामा सम्पन्न भएको ५ किलोमिटर सडक दौडमा छात्रतर्फ इन्द्रराज्य लक्ष्मी माविका सम्राट चौधरी प्रथम भएका छन् ।

पोखरा युनाइटेड एकेडेमीको ४ दिने अन्तर बिद्यालय एसइई खेलकुद प्रतियोगिता २०८१ अन्तर्गत पहिलो दिन शनिबार भएको ५ किलोमिटर सडक दौडमा चौधरी निर्धारित दुरी २० मिनेट २ सेकेण्डमा पार गर्दै प्रथम स्थान हासिल गर्न सभएका हुन् । त्यसैगरी कास्की मोडनाइज एकेडेमीका प्रमोद थापा दोस्रो भए । थापाले भने २० मिनेट २४ सेकेन्डमा उक्त दुरी पार गरे ।

छात्रातर्फको ५ किलोमिटर सडक दौडमा लमजुङको मध्यनेपाल नगरपालिकास्थित पश्चिम भूमि माविकी कुस्मिता भुजेल प्रथम भइन् । उनले निर्धारित दुरी २८ मिनेट २६ सेकेण्डमा पार गरिन् । पोखरा युनाइटेड एकेडेमीकी अम्बिका पोख्रेल निर्धारित दुरी ३८ मिनेटमा पार गर्दै दोस्रो भइन् ।

भद्रकाली मार्गबाट सुरु भएको उक्त दौड संगमटोल गौडाकोमुख, बिजी हस्पिटल हुँदै रानीपौवा, पोखरा नर्सिङ चोक हुँदै कुडहर लाली गुराँस हुँदै विद्यालयमा आएर टुंगिएको विद्यालयका शिक्षक फणीन्द्रराज पौडेलले बताए ।

प्रतियोगितामा विजेता छात्र तथा छात्रालाई जनही ५ हजार, दोस्रो हुनेलाई जनही ३ हजारको साथमा मेडल र प्रमाण पत्र वितरण गरिएको विद्यालयका सह प्रध्यानाध्यापक देवेन्द्र अधिकारीले सुनाए ।