पाेखरा ।

पाेखरा १७ छाेरेपाटनमा रहेकाे फुस्रे खोलामा पौडी खेल्ने क्रममा डुबेर शनिबार पोखरामा एक जनाको मृत्यु भएको छ । पर्वतकाे कुश्मा नगरपालिका वडा नम्बर १३ घर भई हाल पोखरा १७ छोरेपाटन बस्ने बर्ष २८ का विश्वास सुवेदीकाे मृत्यु भएकाे हाे ।

पौडी खेल्ने क्रममा मानिस डुबेर बेपत्ता भएको भन्ने खवर प्राप्त भएपछि खटिएको विशेष खोज, उद्वार एवं गोताखोरको टोली तत्कालै परिचालन भई खोलाको २५ फिट गहिराईमा अड्किएर बसेको अवस्थामा शनिबार साँझ ६ः४५ बजे शव निकालिएको सशस्त्र प्रहरी बल नम्बर २४ कालिका गणका गणपति एसपी अरुण कुमार शर्माले जानकारी दिए ।

मृतकको शव पोष्टमार्टमको लागि पोखरा स्वास्थ्य विज्ञान प्रतिष्ठान अन्तर्गतको पश्चिमाञ्चल क्षेत्रीय अस्पतालमा पठाइएको शर्माले बताए ।